Kearndoelen
It lesmateriaal fan Fokus Fryslân beäntwurdet oan de folgjende kearndoelen, sa’t dy troch it ministearje formulearre binne:

Foar alle edysjes fan Fokus jildt:

4 De learlingen leare ynformaasje te efterheljen yn ynformative en ynstruktive teksten, dêrûnder skema’s, tabellen en digitale boarnen.

9 De learlingen krije nocht oan it lêzen en skriuwen fan foar harren bestimde ferhalen, gedichten en ynformative teksten.

20 De learlingen leare ynformaasje te sykjen út teksten yn it Frysk yn frekwint foarkommende teksttypen (lykas artikels yn jeugdrubriken, lietsjes, ferhalen)

22 De learlingen krije in wurdskat fan frekwint brûkte Fryske wurden en strategyen foar it begripen fan foar harren ûnbekende wurden.

51 De learlingen leare gebrûk te meitsjen fan ienfâldige histoaryske boarnen en leare oantsjuttings fan tiid en tiidsyndieling te brûken.

52 De learlingen leare oer karakteristike aspekten fan de neikommende tiidfakken: jagers en boeren; Griken en Romeinen; mûntsen en ridders; stêden en staten; ûntdekkers en herfoarmers; reginten en foarsten; pruken en revolúsjes; boargers en stoommasines; wrâldoarloggen; televyzje en kompjûter.

53 De learlingen leare oer de wichtige histoaryske persoanen en barrens út de Nederlânske skiednis en kinne dy foarbyldmjittich ferbine mei de wrâldskiednis.

56 De learlingen krije wat kennis oer en wurdearring foar aspekten fan kultureel erfgoed.

Foar Fokus 3 jildt boppedat
48 Bern leare oer maatregels dy’t yn Nederlân nommen binne / wurde om bewenning fan troch wetter bedrige gebieten mooglik te meitsjen.

Foar Fokus 4 jildt boppedat
38 De learlingen leare haadsaken oer geastlike streamings dy’t yn de Nederlânske multykulturele maatskippij in wichtige rol spylje.